ეროვნული ბანკის ინფორმაციით, დღეს აუქციონზე 40 მილიონი ლარის ნომინალური ღირებულების 363-დღიანი ვადიანობის სახაზინო ვალდებულებები გაიყიდა

აუქციონში მონაწილეობა მიიღო რვა კომერციულმა ბანკმა. მოთხოვნამ 88 მილიონ 500 ათასი ლარი, საშუალო შეწონილმა პროცენტმა კი -  7.623 პროცენტი შეადგინა.

აღსანიშნავია, რომ წლეულს სულ 4 აუქციონი გაიმართა: 4 იანვარს გაიყიდა ასევე 40 მილიონის მოცულობის 363-დღიანი სახაზინო ვალდებულებები, ხოლო 11 იანვარს  - 40 მილიონის ღირებულების 2-წლიანი სახაზინო ობლიგაციები და 20 მილიონის 182-დღიანი სახაზინო ვალდებულებები.