პრეზიდენტის ადმინისტრაციაში აცხადებენ, რომ დედოლარიზაციის პროცესში, მხარეებს შორის კარგი კომუნიკაცია უნდა არსებობდეს. როგორც პრესსპიკერი ამბობს, ამ საკითხზე პრეზიდენტის ადმინისტრაციასა და ეროვნულ ბანკს შორის მოლაპარაკებები მიმდინარეობს და პროგრესი უკვე შესამჩნევია.

„ეს კანონი ზოგადად ქმნის მექანიზმს, პირველ რიგში ეროვნული ბანკისთვის, რათა უფრო ეფექტურად არეგულიროს ბაზარი. თუმცა თანამშრომლობა ეროვნულ ბანკთან გრძელდება, საუბარი არის ტექნიკური ხასიათის დეტალების დაზუსტებაზე. მუშაობა დაწყებულია, ჩვენ უკვე გვაქვს პროგრესი ამ მიმართულებით და თანამშრომლობის კუთხით გარკვეული პირველი ნაბიჯები გადაიდგა კიდეც"-განაცხადა ეკა მიშველაძემ.