„NBA"-ის „ყველა ვარსკვლავის" მატჩის სასტარტო ხუთეულების არჩევა გულშემატკივრების მიერ დასრულდა. ხმის მიცემა, რომელიც ინტერნეტით მიმდინარეობდა, 17 იანვარს შეწყდა. სასტარტო ხუთეულების არჩევის მეორე შუალედური შედეგების მიხედვით ზაზა ფაჩულია დასავლელ ფორვარდთა შორის მეორე ადგილზეა.

საბოლოო შედეგები ორ დღეში გამოქვეყნდება. დათვლილი იქნება კალათბურთელთა და მედიის წარმომადგენელთა ხმებიც. ფანების გამოკითხვის მეორე შუალედური შედეგების მიხედვით, ზაზა ფაჩულიას 823 476 ხმა ჰქონდა, რაც დასავლეთ კონფერენციის ფორვარდთა შორის მეორე შედეგი იყო.

„NBA"-ის „ყველა ვარსკვლავის" მატჩი 19 თებერვალს, ნიუ-ორლეანში გაიმართება. 7-7 მოთამაშეს ვარსკვლავური გუნდის მთავარი მწვრთნელი თავად შეარჩევს.