ერთ დროს სირიის უდიდეს ქალაქ ალეპოს დიდი ნაწილი ბაშარ ასადის ერთგული ჯარების კონტროლქვეშ გადავიდა. "სირიის თავისუფალი არმიისა" და "ფრონტ ან ნუსრას" მებრძოლები ქალაქის სამხრეთ-აღმოსავლეთ ნაწილში ალყაში არიან მომწყვდეულნი. დღესდღეობით ისინი ქალაქის მხოლოდ 25%-ს აკონტროლებენ. თურქული სააგენტო "ანადოლუს" ცნობით, ბოლო ორი კვირის განმავლობაში ალეპოში რუსული და სირიული ავიაციის ქმედებებს 828 მშვიდობიანი მოქალაქე, მათ შორის მცირეწლოვანი ბავშვები, შეეწირა.