საქართველოს ყოფილი პრეზიდენტი და ოდესის ოლქის ექსგუბერნატორი, მიხეილ სააკაშვილი მისთვის უკრაინის მოქალაქეობის შესაძლო ჩამორთმევაზე კიდევ ერთხელ ალაპარაკდა. მისი თქმით, თუ მოქალაქეობას ჩამოართმევენ, საერთაშორისო აეროპორტის სატრანზიტო ზონაში იცხოვრებს. თუმცა, როგორც იურისტი ლევან ალაფიშვილი განმარტავს, მას ამის საფრთხე არ ემუქრება და სააკაშვილს თავისუფლად შეუძლია გააგრძელოს მეგობარ ქვეყანაში პოლიტიკური მოღვაწეობა.