საქართველოში წიგნების მიმართ ინტერესი მატულობს, მაგრამ მისი შეძენის შესაძლებლობა ბევრს არ აქვს. სიძვირის გამო მოსახლეობის უმეტესობა წიგნებს ვერ ყიდულობს. მართალია, მეტროსადგურებთან თუ სხვა ხალხმრავალ ადგილებში ძველი წიგნები საკმაოდ ხელმისაწვდომ ფასში იყიდება, თუმცა მათ მიმართ დიდ ინტერესს მაინცდამაინც არავინ იჩენს. მომხმარებლები, განსაკუთრებით კი ახალგაზრდები, ახალ წიგნებს მეტ უპირატესობას ანიჭებენ.