ავტოსტოპი საქართველოში, შეიძლება ითქვას, ახალი დანერგილი მიმდინარეობაა, რომელიც მგზავრობის ყველაზე იაფი მეთოდია. ახალგაზრდებისთვის იგი საკმაოდ საინტერესო, სათავგადასავლო და ახალი ისტორიებით სავსე გადაადგილების საშუალებაა. ხშირად შეხვდებით მთავარ მაგისტრალზე ადამიანს, რომელიც ხელის აწევით აჩერებს მანქანას და მიჰყვება გარკვეულ პუნქტამდე. სანამ დანიშნულების ადგილზე მივა, შესაძლოა, ბევრი ტრანსპორტის გამოცვლა მოუხდეს. ეს თავისთავად გულისხმობს უფრო მეტი ადამიანის გაცნობას და საინტერესო ურთიერთობას.