საქართველოში წელს ზამთარი ნაადრევად დაიწყო, მოსახლეობა კი ცივი თვეების გადასატანად აბსოლუტურად მოუმზადებელია. პრობლემა არა მარტო რეგიონებში, არამედ დედაქალაქშიც თვალშისაცემია. ხალხი ჩივის, რომ პროდუქტის მომარაგება ვერ შეძლეს. რა თქმა უნდა, მთავარი "დამნაშავე" მაღალი ფასებია. შედარებით უკეთესად გრძნობენ თავს სოფლად მცხოვრები ის ადამიანები, რომლებიც ბაღ-ბოსტნებს ამუშავებდნენ და ზამთრისთვის მოსავლის გარკვეული ნაწილი უკვე გადანახული აქვთ.