მიწის უფასო რეგისტრაციის პროცესში მონაწილე მოქალაქეებისგან სახელმწიფოს მიერ დაქირავებული კომპანიები მიწის აზომვაზე გაწეული ხარჯის გადახდას ითხოვენ. რამდენიმე მსგავსი ფაქტი დაფიქსირდა როგორც რეგიონებში, ასევე დედაქალაქშიც. "რეზონანსს" რამდენიმე მოქალაქემ დაუდასტურა, რომ აზომვითი სამუშაოების სანაცვლოდ 30-50 ლარის ოდენობის თანხა მოსთხოვეს, თანაც ისე, რომ ფირმის წარმომადგენლებს საჭირო დოკუმენტაცია არ წარმოუდგენიათ და არც თანხის გადახდის დამადასტურებელი ქვითარი გაუციათ.