სირიაში ჩაშლილმა სამშვიდობო პროცესმა და საბრძოლო მოქმედებების განახლებამ ამერიკისა და პრეზიდენტ ბაშარ ალ ასადის მოკავშირე რუსეთის ისედაც უკიდურესად დაძაბული ურთიერთობა კიდევ უფრო გაამწვავა.  გაეროს უშიშროების საბჭოს საგანგებო სხდომაზე ამერიკის შეერთებული შტატების სახელმწიფო მდივანმა ჯონ კერიმ სირიაში ცეცხლის შეწყვეტის შესახებ 13 სექტემბერს მიღებული ხელშეკრულების დარღვევაში რუსული მხარე და ბაშარ ასადი დაადანაშაულა.