ჯანდაცვის უწყება ელექტრონული რეცეპტის ახალ სისტემაზე გადადის. სამინისტროში ამბობენ, რომ ეს იქნება საწყისი ეტაპი იმისა, რომ მალე უკლებლივ ყველა სამედიცინო ჩანაწერი, ეტაპობრივად ელექტრონულ ფორმატზე გადავა. ელექტრონული რეცეპტების სისტემის შემოღებას სპეციალისტები სკეპტიკურად უყურებენ და აცხადებენ, რომ ეს საქართველოში არ იმუშავებს. ახალი სისტემით, პაციენტსა და ექიმს შორის კონტაქტი შესაძლოა, მხოლოდ დისტანციურად შედგეს და წამალი ადამიანმა ექიმთან გასინჯვის გარეშეც იყიდოს.