სანდრო კობახიძემ 2014 წლის ზაფხულიდან მოყოლებული "ვოლინის" რიგებში ადგილი დაიმკვიდრა. ქართველი ფეხბურთელის კარგი თამაში არ გამოპარვია "დნიპროს" მთავარ მწვრთნელს, მირონ მარკევიჩს და კობახიძე თურქულ შეკრებაზე წაიყვანა. ქართველი ფეხბურთელი დნეპროპეტროვსკულ კლუბს ეკუთვნის და იჯარის წესით თამაშობდა "ვოლინში", მაგრამ კობახიძემ თურქულ შეკრებაზე მხრის ტრავმა მიიღო, ამიტომ ის გუნდს ესპანურ შეკრებაზე ვეღარ გაჰყვა.