კვირას, 24 იანვარს, 13:00 საათზე თბილისში, სასტუმრო "ქორთიარდ მერიოტში" ჩატარდება საქართველოს რაგბის კავშირის პრეზიდენტის არჩევნები, ქართული რაგბის თავკაცს რაგბის კავშირის საერთო კრება დაასახელებს. პრეზიდენტობის კანდიდატები არიან გოჩა სვანიძე და ილია ზედგინიძე. არჩევნებში მონაწილეობას არ მიიღებს საქართველოს დამოუკიდებლობის ისტორიაში ყველაზე წარმატებული მენეჯერი გია ნიჟარაძე, რომლის ხელშიც წინა რვა წლის განმავლობაში ქართულმა რაგბიმ არნახულ წარმატებას მიაღწია.