მიმდინარე საფეხბურთო სეზონს შესანიშნავი სანახაობით დაესვა წერტილი - ბერლინის "ოლიმპშტადიონზე" ჩემპიონთა ლიგის ფინალში კატალონიურმა "ბარსელონამ" უმძიმეს ბრძოლაში დაამარცხა ტურინის "იუვენტუსი" - 3:1 და პირველი ევროპული კლუბი გახდა, რომელმაც ორჯერ მოახერხა "ტრიპლეტის" შესრულება - ერთ სეზონში მოიგო ქვეყნის ჩემპიონობა, თასი და ჩემპიონთა ლიგა. პირველად ეს "ბარსელონამ" პეპე გვარდიოლას ხელმძღვანელობით 2009 წელს მოახერხა.