"რეზონანსი" დაინტერესდა რომელი ქვეყნის მიერ წარმოებულ პროდუქტს ყიდულობენ თბილისელები ყველაზე ხშირად და რას აქცევენ არჩევისას ყურადღებას. გამოკითხვამ აჩვენა, რომ უმეტესობისთვის ფასი გადამწყვეტია. შემდეგ მოდის ხარისხზე და სხვა დანარჩენზე ფიქრი. ამ საკითხზე კვლევა, თუმცა სულ სხვა კუთხით, "ეისითმაც" ჩაატარა. გამოკითხვამ აჩვენა, რომ გერმანულის შემდეგ, ყოველი მეორე თბილისელი (54%) ქართული წარმოების საკვებ პროდუქტებს ენდობა. ჩვენმა რესპონდენტებმაც ადგილობრივ წარმოებას დაუჭირეს მხარი.