ლარის გაუფასურებამ უარყოფითი გავლენა რეპეტიტორების მუშაობაზეც მოახდინა. ეკონომიკურ კრიზისს განსაკუთრებით ის პედაგოგები განიცდიან, ვინც ბავშვების მომზადების საფასურს დოლარში იღებდა. კურსის გაუფასურების შედეგად, ერთბაშად მომატებული სწავლის საფასურის გამო, უმეტესობას მოსწავლეები შემოეცალა. ნაწილმა გადასახდელი თანხა ლარში გადაიყვანა და ამ გზით მოახერხა აბიტურიენტების შენარჩუნება. უკმაყოფილებას მშობლებიც გამოხატავენ. ისინი გაზრდილ ხარჯს ვეღარ აუდიან.