ხმაური თბილისის მუდმივად თანამდევი მოვლენაა. ეს პრობლემა განსაკუთრებით კაფე-ბარებთან, რესტორნებთან, მშენებარე კორპუსებთან და ცენტრალურ უბნებში მცხოვრებ ადამიანებს აწუხებთ. ისინი წლებია, საღამოს საათებში ხმაურის დასაშვები ზღვრის კანონით დადგენას ითხოვენ. სწორედ ამიტომ თბილისის საკრებულოში უკვე დაიწყეს მუშაობა ხმაურის რეგულაციის შემოღების მიმართულებით. მოსალოდნელ ცვლილებას თბილისელების უმეტესობა დადებითად, ნაწილი სკეპტიკურად აფასებს.