ივანე ჯავახიშვილის სახელობის თბილისის სახელმწიფო უნივერსიტეტის ზუსტი და საბუნებისმეტყველო ფაკულტეტის დეკანატმა დამატებით სემესტრებზე გადასახდელი თანხა ჯამში 600 ლარიდან 3150 ლარამდე გაზარდა. დოქტორანტები და მასთან ერთად თსუ-ს წარმომადგენლობითი საბჭოს წევრები სწავლის საფასურის გაძვირებას აპროტესტებენ, რადგან ეს სტუდენტებს საზღვარგარეთ წამოწყებული კვლევის გაგრძელებაში ხელს შეუშლის. ისინი ადმინისტრაციისგან აქამდე დაწესებული თანხის (150 ლარის) შენარჩუნებას მოითხოვენ.