უკრაინის უსაფრთხოებისა და თავდაცვის საბჭოს თავმჯდომარის მოადგილის, ოლეგ გლადკოვსკის განცხადებით, უკრაინამ რიგი ქვეყნებიდან ლეტალური იარაღის მიღება დაიწყო. ეს იმ ფონზე, როცა უკრაინის პრეზიდენტის პიოტრ პოროშენკოს მრჩეველთა საბჭოს თავმჯდომარე და საქართველოს ყოფილი პრეზიდენტი მიხეილ სააკაშვილი ამერიკის კონგრესისა და სენატის წევრებთან შეხვედრებს მართავს. უკრაინულ მედიაში უკვე საუბრობენ იმის თაობაზე, რომ სააკაშვილმა "აშშ თავდაცვითი შეიარაღებით მომარაგებაზე დაითანხმა."