"ქართულ ოცნებას" ერთი შანსიღა დარჩა - კვირიკაშვილი და ხადური გადააყენონ. თუ არა, დაელოდონ ხალხის რისხვას, რომელიც მათ უკვე კარზე აქვთ მომდგარი. აქციას ბიძინა ივანიშვილის სასახლესთანაც გავმართავთ და მოვუწოდებთ მას, რომ ქვეყანაში ინვესტიციები განახორციელოს. მშვენივრად შეუძლია ქვეყნის კრიზისიდან გამოყვანა და ფულის სესხებას ხელისუფლებამ თავი დაანებოს", - აცხადებს "რეზონანსთან" საუბრისას "თავისუფალი საქართველოს" ლიდერი კახა კუკავა ფინანსთა სამინისტროსთან გამართულ აქციაზე.