ფოთში, მესამე საჯარო სკოლა დისტანციურ სწავლებაზე გადადის. მიზეზი სკოლაში მომუშავე ექიმია, რომელსაც, გეგმიური შემოწმებისას, კორონავირუსი დაუდასტურდა.

ეპიდემიოლოგების ინფორმაციით, ექიმს შეხება ჰქონდა კოვიდინფიცირებულ პაციენტთან.

ამჟამად სკოლაში ეპიდემიოლოგები მუშაობენ და მიმდინარეობს კონტაქტების შესწავლა. სკოლის დირექტორის ინფორმაციით, კონტაქტები გადაყვანილი იქნებიან თვითიზოლაციაში. თითოეულ მათგანს PCR-კვლევა ჩაუტარდება.

დღეს, სამეგრელო-ზემო სვანეთის რეგიონში, ჯამში, კორონა ვირუსის 14 ახალი შემთხვევა გამოვლინდა.