თბილისის მეტროპოლიტენის საბურთალოს ხაზი ამ დრომდე შეფერხებით მუშაობს. როგორც თბილისის სატრანსპორტო კომპანიაში განაცხადეს, ტექნიკური ხარვეზის გამოსასწორებლად ჯგუფი დილიდან მუშაობს.

"ჯერჯერობით ისევ დახურულია "ვაჟა ფშაველას" და "სახელმწიფო უნივერსიტეტის" სადგური. ტექნიკური ხარვეზის გამო, მატარებლები მოძრაობენ "დელისის" სადგურამდე. ჩვენი სამუშაო ჯგუფი ადგილზე იმყოფება. გუშინაც იგივე მიზეზით იყო დროებით დაკეტილი და სამწუხაროდ დღეს უფრო გრძელვადიანი აღმოჩნდა", - განუცხადეს Report.ge-ს სატრანსპორტო კომპანიაში.

თბილისის მეტროს საბურთალოს ხაზზე მეტროსადგურები "ვაჟა ფშაველა" და "სახელმწიფო უნივერსიტეტი" ტექნიკური ხარვეზის გამო დილიდან არ მუშაობს.