ინფექციური საავადმყოფოს ბოქსირებული განყოფილების ხელმძღვანელის განცხადებით დადასტურებული 527 შემთხვევიდან 190 (36%) აჭარიდანაა, 179 (34%) თბილისი, 91 - იმერეთი, 11 - კახეთი, 10 - შიდა ქართლი, 28 - ქვემო ქართლი, 3 - მცხეთა-მთიანეთი, 3 - გურია, 1- სამცხე-ჯავახეთი.

"მოსახლეობის სიმჭიდროვის, რაოდენობის გათვალისწინებით, ამჟამად ყველაზე უფრო საშიში არის თბილისი და რაღაცნაირად უნდა მოვახერხოთ რეგულაციების სრულყოფილად დაცვა“, – განაცხადა მარინა ენდელაძემ.

მისი თქმით, პაციენტების ნაწილი  სტაციონარებში და კოვიდ სასტუმროებში მკურნალობს, უსიმპტომო პაციენტთა ნაწილი კი ბინაზე იმყოფება.  კრიტიკულ მდგომარეობაშია 63 ინფიცირებული პაციენტი. 61 მართვით სუნთქვაზეა. კრიტიკული პაციენტებიდან 9 ოკუპირებული აფხაზეთიდან, 1 კი ოკუპირებული ცხინვალის რეგიონიდანაა.