ევროპის 2020 წლის ჩემპიონატის პლეი-ოფის ნახევარფინალში საქართველოს ნაკრებმა ბელარუსი 1:0 დაამარცხა და ფინალში გავიდა.

"ჯვაროსნებმა" თავიდანვე შეუტიეს და კვარაცხელიას გარღვევისა და პასის შემდეგ ხატკევიჩმა ოქრიაშვილს მახვილი კუთხიდან არ დაანება გატანა. ამას უმალ ხვიჩას მორიგი გარღვევა და ოქრიაშვილის პასი მოჰყვა, რომელიც ზოლოტოვმა წააქცია, მსაჯმა ჩაქირმა პენალტი დანიშნა, რომელიც თავად დაზარალებულმა ჩვეულად უზადოდ შეასრულა. ეს გოლი თამაშში ერთადერთი აღმოჩნდა და ჩვენმა ნაკრებმა ისტორიულ წარმატებას მიაღწია. ევროპის ჩემპიონატზე მოსახვედრად საქართველოს ნაკრებს ერთადერთი თამაშის მოგებაღა დარჩა, მიის მეტოქე მაკედონიასა და კოსოვოს დაპირისპირებაში გაირკვევა.