მცხეთის სამედიცინო ცენტრში კორონავირუსით 67 წლის ქალი გარდაიცვალა. პაციენტს, რომელიც სამკურნალოდ ქუთაისიდან გადმოიყვანეს, COVID-19 23 სექტემბრს დაუდასტურდა. მას ონკოლოგიურ დაავადებასთან ერთად შაქრიანი დიაბეტიც ჰქონდა და კრიტიკულ მდგომარეობაში მართვით სუნთქვაზე იმყოფებოდა.

როგორც მცხეთის სამედიცინო ცენტრის ექიმი-რეანიმატოლოგი, ივანე ჯავახიშვილი ამბობს, ქალს ვირუსი სავარაუდოდ თავისივე ოჯახის წევრისგან გადაედო.

ამჟამად ამ ცენტრში 80 კოვიდდადებითი პაციენტი მკურნალობს. მათგან 10-ის მდგომარეობა კრიტიკულია, სამი კი მართვით სუნთქვაზე იმყოფება.