სალომე ზურაბიშვილმა უპასუხა კითხვას იმის შესახებ დაუბრუნებს თუ არა მიხეილს სააკაშვილს საქართველოს მოქალაქეობას. როგორც საქართველოს პრეზიდენტმა „ღამის კურიერისთვის“ მიცემულ ინტერვიუში აღნიშნა, მოქალაქეობის აღსადგენად სააკაშვილი პროტოკოლს უნდა მიჰყვეს.

„ჰიპოთეტურ კითხვებს არ ვპასუხობ. არ აქვს შემოტანილი (განაცხადი) და არც არანაირად არ ჩანს, რომ აპირებდეს. მე მგონი უფრო სპეკულირებს, მაგრამ ეს მისი გადასაწყვეტი არის და რა იქნება შედეგი, ვნახოთ. ჯერ ერთი რომელ სამშობლოში ბრუნდება? ეს არის მისი სამშობლო? თვითონ უკრაინასაც ეძახის სამშობლოს“, - აღნიშნა პრეზიდენტმა.