შემოსავლების სამსახურის მიერ გავრცელებული ინფორმცციის მიხედვით, საქართველოში თურქეთიდან 25 ტონა დაავადებული კარტოფილი შემოვიდა.

„საბაჟო დეპარტამენტის სანიტარიული, ფიტოსანიტარიული და ვეტერინარული კონტროლის სამმართველოს თანამშრომლების მიერ, ფიტოსანიტარიული პროცედურების განხორციელებისას, კვლევისთვის აღებულ ნიმუშში, კარტოფილის საკარანტინო მავნე ორგანიზმის, კერძოდ — კარტოფილის კიბოს (Synchytrium endobioticum) არსებობა დადასტურდა“, - ნათქვამია უწყების მიერ გავრცელებულ განცხადებაში.

საქართველოს მთავრობის N463 დადგენილების თანახმად, დაავადებული საქონელი უკან, ექსპორტიორ ქვეყანაში გაბრუნებას დაექვემდებარა.