ახმეტის სოფელ მატაანში ავტოსაგზაო შემთხვევას ერთი ადამიანის სიცოცხლე ემსხვერპლა, 2 კი, მძიმედ დაშავდა.

დაშავებულებს შორის ერთი მცირეწლოვანი გოგონაა, რომელიც სასწრაფო დახმარებამ მძიმე ტრავმებით თელავის საავადმყოფოში გადაიყვანა.

თვითმხილველების თქმით, მსუბუქ ავტომანქანას გზაჯვარედინზე გადასვლისას სამარშუტო ტაქსი შეეჯახა.

ავტომობილში მყოფი 20-წლამდე კაცი ადგილზე გარდაიცვალა, ახალგაზრდა ქალი და მცირეწლოვანი გოგო კი საავადმყოფოში მოათავსეს.

მომხდარზე გამოძება 276-ე მუხლით დაიწყო. გათვალისწინებული დანაშაულისთვის სასჯელი იმის მიხედვით განისაზღვრება, თუ რა შედეგით დასრულდა ავარია. მინიმალური სანქცია 500-ლარიანი ჯარიმაა, მაქსიმალური - 12 წლამდე თავისუფლების აღკვეთა.