გერმანიის საგარეო საქმეთა მინისტრი ჰეიო მაასი ევროკავშირს მოუწოდებს, ალექსეი ნავალნის საქმეზე რუსეთს ახალი სანქციები დაუწესოს. ამის შესახებ მაასმა t-online-თან ინტერვიუში განაცხადა.

მინისტრის განცხადებით სანქციები ყოველთვის უნდა იყოს მიზნობრივი და პროპორციული.

„თუმცა საერთაშორისო კონვენციის ასეთი უხეში დარღვევა უპასუხოდ არ უნდა დარჩეს. ამ საკითხზე, ევროპაში ერთიანი ვართ", - აღნიშნა გერმანელმა დიპლომატმა.

რუსეთის ფედერაციის ხელისუფლებას ევროკავშირმა გუშინ მოუწოდა, ითანამშრომლოს ქიმიური იარაღის აკრძალვის ორგანიზაციასთან, ხელი შეუწყოს მომხდარზე პასუხისმგებელ პირთა დასჯის მიზნით საერთაშორისო გამოძიებას.