ხელვაჩაურში მაშველებთან ერთად მუშაობა გეოლოგებმაც დაიწყეს. ახლა უნდა გაირკვეს, არის თუ არა მეწყერის განმეორების შანსი და რამდენად უსაფრთხოა იქ ცხოვრება დანარჩენი მოსახლეობისთვის.

„ეს ეროზიული სოფელია, ბევრ ადგილასაა განვითარებული მეწყრული პროცესები. გაჩენილია ღრმულები, წყლის ნადენი ფორმები, რომელმაც ქანები გამორეცხა და მეწყრული სხეულის დაძვრა გამოიწვია. აჭარა ძალიან რთული რელიეფისაა. ასეთი რთული რელიეფი საქართველოში იშვიათადაა" - აცხადებს გეოლოგი ტარიელ ტუსკია, რომელიც ჯოჭოში კოლეგებთან ერთად ჩავიდა.