აჭარის ტელევიზიის თანამშრომელს კორონავირუსი დაუდასტურდა. ინფორმაციას ამის შესახებ არხის საზოგადოებასთან ურთიერთობის მენეჯერი, ფირუზ ბოლქვაძე ადასტურებს.

ბოლქვაძის ცნობით, ინფიცირებული ამჟამად კოვიდსასტუმროში იმყოფება.

„კორონავირუსი საზოგადოებრივი მაუწყებლის აჭარის ტელევიზიისა და რადიოს კიდევ ერთ თანამშრომელს დაუდასტურდა. ამჟამად ის კოვიდსასტუმროშია გადაყვანილი და დაკვირვების ქვეშ არის. ცნობილია მისი ინფიცირების წყაროც, ის ოჯახის წევრისგან დაინფიცირდა“, – განაცხადა არხის საზოგადოებასთან ურთიერთობის მენეჯერი, ფირუზ ბოლქვაძე.