სებ-ის ვიცე-პრეზიდეტის პაპუნა ლეჟავას განცხადებით, საყოველთაო ან ნაწილობრივ საყოველთაო პროგრამით სესხები მე-3 ვადით აღარ გადავადდება.

მისი თქმით, ბანკების კლიენტებთან, სავარაუდოდ, ინდივიდუალურ პირობებზე იმუშავებენ.

ლეჟავამ განაცხადა, რომ მთავრობის შესაძლო გადაწყვეტილებაზე საქმის კურსში არ არის. ის არც იპოთეკური სესხების სუბსიდირების პროგრამის შესაძლო გაფართოებაზეა ინფორმირებული.

ცნობისთვის, კორონავირუსის პანდემიის გამო საქართველოს ხელისუფლების გადაწყვეტილებით მოქალაქეებს სესხებისა და კრედიტების 3 თვით გადავადების საშუალება მიეცათ. მოსახლეობის დაახლოებით, 70%-მა ამ შეთავაზებით ისარგებლა.