ქუთაისში, სავაჭრო ცენტრ „ოქროს ბირჟასთან“ დაკავშირებული, ინფიცირებულთა ჯგუფი გაიზარდა.

სავაჭრო ცენტრ „გრანდმოლის“ ტერიტორიაზე განთავსებულ ამ სივრცეში დასაქმებული 5 ადამიანი კლინიკა „ბომონდის“ კოვიდცენტრში შეიყვანეს.

„კლინიკის სტაციონარში 79 პაციენტი მკურნალობს. კრიტიკულად მძიმეა ერთი პაციენტის მდგომარეობა. დღეს ველოდებით გამოჯანმრთელებაზე 4 ბავშვის ლაბორატორიული კვლევის შედეგებს, ხოლო სასტუმროში, კარანტინში გადავა მსუბუქი სიმპტომის მქონე რამდენიმე პაციენტი“, - აცხადებს „ბომონდის“ კლინიკური მენეჯერი მამია ყიფიანი.

საქართველოში, კორონავირუსის ახალი შემთხვევებიდან, 19 - ქუთაისში გამოვლინდა.