პარლამენტის ფრაქცია "ნაციონალური მოძრაობის" თავმჯდომარე რომან გოცირიძე ეკონომიკის მინისტრ ნათია თურნავას მუშაობას უწუნებს და მას "ოროსან მინისტრად" მოიხსენიებს. რომან გოცირიძე აცხადებს, რომ ქვეყანას ალბათ ბედი გაუღიმებს, თუ ამ მთავრობის წევრს ამ სტატუსში არავის ვიხილავთ.

რომან გოცირიძემ აღნიშნა, რომ ეკონომიკის მინისტრის დღევანდელი გამოსვლა იყო მთავრობის ბოლოს გასეირნება პარლამენტში. 

"ნათია თურნავა ჩემი სტუდენტი იყო უნივერსიტეტში, ძალიან კარგი სტუდენტი იყო ხუთოსანი, მაგრამ აქ არის ოროსანი მინისტრი; იქ კარგად სწავლობდა, აქ ცუდად მუშაობს. დღეს მისი გამოსვლა იყო მთავრობის ბოლო გასეირნება პარლამენტში. ამის შემდეგ არავინ არ მოვა მთავრობის წევრი და ალბათ ძალიან ბედი გაუღიმებს ქვეყანას თუ კი ამ მთავრობის წევრს ამ სტატუსში არავის არ ვიხილავთ ამ პარლამენტში. ეს იყო ბოლო გამოსვლა საქართველოს ხელისუფლების წარმომადგენლის. ბოლო გამოსვლა, როდესაც მათი სიამაყე პანდემიის წინააღმდეგ ბრძოლა ფაქტობრივად დამთავრდა კრახით, დღეს უკვე 200-მდეა და ყოველ კვირეული 200-მდე ასე თუ გაიზარდა სომხური სცენარით მივდივართ.