აშშ-ის ელჩმა საქართველოში პოლიტიკური პარტიების ქცევის კოდექსი დადებითად შეაფასა. ჟურნალისტებთან საუბარში კელი დეგნანმა აღნიშნა, რომ პარტიებს დოკუმენტის ხელმოწერისკენ მოუწოდებს.

„ვფიქრობ, რომ ეს ძალიან კარგი ინიციატივაა და ცენტრალური საარჩევნო კომისია შექებას იმსახურებს. ჩემი აზრით, ის ასახავს გარკვეულ ძირეულ პრინციპებს, რომლებიც ხელს შეუწყობს თავისუფალი, სამართლიანი და გამჭვირვალე არჩევნების ჩატარებას. შესაბამისად, პარტიებს ვურჩევ, ქცევის კოდექსს ხელი მოაწერონ“, - განაცხადა დეგნანმა.