ამ წუთებში "რუსთავი 2 -ში" თანამშრომლების ტესტირების მეორე ეტაპი დაიწყო. მას შემდეგ, რაც "კურიერის" წამყვანს, თეონა ცხომელიძეს კორონავირუსი დაუდასტურდა, არხზე უსაფრთხოების საგანგებო ზომები ამოქმედდა.

ვმუშაობთ მკაცრად გაწერილი პროტოკოლით. ეს არის შემოწმებები, შენობის ყოველდღიური დეზინფექცია, დისტანცია და PCR ტესტირება.

პირველ ეტაპზე, ტელევიზიაში ჩატარებული ტესტების ყველა პასუხი, დახლოებით, 400-მდე ნიმუში უარყოფითი იყო.

"დღეს მიმდინარეობს განმეორებითი ტესტირება იმ ადამიანებისა, ვისაც ახლო კონტაქტი ჰქონდა თეონასთან ბოლო დღეებში, ასეთი დაახლოებით, სულ 60 ადამიანია.

ჩვენ შევიმუშავეთ გარკვეული პროტოკოლი, ერთი კვირის განმავლობაში, ვიდრე ე.წ საინკუბაციო პერიოდია, მაქსიმალურად გამკაცრებული გვაქვს წესები და ფაქტობრივად, აკრძალული გვაქვს სტუმრების მოსვლა, თუნდაც ეზოში. ასევე, აკრძალული გვაქვს გადაცემებში სტუმრების მოსვლა, -აცხადებს სამაუწყებლო კომპანია "რუსთავი 2-ის" გენერალური დირექტორი პაატა სალია.