ბოდბელმა ეპისკოპოსმა, მეუფე იაკობმა განაცხადა, რომ მედიის მხრიდან ეკლესიაზე შეტევა მიმდინარეობს.

"მე ჟურნალისტებს არ ვაბრალებ ამას. ეს არის ტელევიზიის მეპატრონეების [ბრალი]. დიქტორები იმას აკეთებენ, რასაც შეუკვეთავენ და დაუწერენ. ტელევიზიების მესვეურებმა კარგად გადახედონ ხელმძღვანელები ვინ არიან და იმ ხელმძღვანელებმაც იცოდნენ, ყელში ამოგვივა და პასუხს მოვთხოვთ. იმიტომ, რომ მოსათხოვი აქვთ პასუხი და მოეთხოვებთ კიდევაც. თუ არ უნდათ, რომ ლაჩრულად და სამარცხვინოდ დაამთავრონ, ჯობია მიხედონ თავიანთ საქმეებს", - განაცხადა მეუფე იაკობმა.