ბოლო რამდენიმე დღის მნიშვნელოვანი მატებით საქართველო მწვანე ზონის სტატუსს კარგავს. საქართველოს პრემიერ მინისტრი უკვე აცხადებს, რომ ქვეყანაში პანდემიის მეორე ტალღა იწყება.

ექიმები ამბობენ, რომ მწვანე ზონის სტატუსის დაკარგვა მოსალოდნელი იყო, რადგან ბოლო პერიოდში არაერთი არაკონტროლირებადი გადაცემა დაფიქსირდა. 

ქვეყნის სტატუსზეა დამოკიდებული, თუ რა ღონისძიებები და როგორი ინტენსივობით ამოქმედდება, თუმცა სპეციალისტები აცხადებენ, რომ მზარდი სტატისტიკის მიუხედავად, მასშტაბური ჩაკეტვა არ განხორციელდება და აქცენტი ლოკალურ ღონისძიებებზე გაკეთდება.