ჯანდაცვის სისტემა მზად არის. გამზადებულია 1200 ადგილი, თუ საჭიროა 5 ათასზეც ავალთ. არ გვინდა ეს მოხდეს, თორემ საავადმყოფოებში ავადმყოფების განთავსების პრობლემა საქართველოში არ გვექნება, - ამის შესახებ დაავადებათა კონტროლის ცენტრის დირექტორის მოადგილემ განაცხადა.

„რაც უფრო მეტი ავადმყოფი იქნება, მით მეტი ჩვენი მოქალაქე დაიღუპება, რომელიც ჩვეულებრივად არ დაიღუპებოდა. ეს უნდა გავითავისოთ ყველამ, თუ გახდება 100 ათასი ადამიანი ავად, აქედან 1% ბევრია უკვე. არ გვინდა რომ ათასი კაცი მოკვდეს ამ კოვიდით. თუ ბევრი გახდება ავად, სამწუხაროდ, ბევრი გარდაიცვლება, თორემ უმრავლესობა გადაიტანს უპრობლემოდ. ჩვენი ახლობლები, ჩვენი ხანშიშესული თაობა, ჩვენი თანამოქალაქეები, რომელთაც სხვადასხვა ქრონიკული დაავადებები აქვთ გავწიროთ?! ხომ არ უნდ გავწიროთ ეს ადამიანები. დავიცვათ ელემენტარული წესები, რომ ამ ადამიანებს მოვუფრთხილდეთ", - განაცხადა იმნაძემ "ქრონიკასთან".