პარტია „ერთიანი საქართველოს“ ლიდერი, ნინო ბურჯანაძე აცხადებს, რომ თუკი ინფიცირებულთა რაოდენობის ზრდა არსებულ ტემპში გაგრძელდება და შეზღუდვები მოიმატებს, პოლიტიკურმა სპექტრმა არჩევნების გადადებაზე ფიქრი უნდა დაიწყოს.

„ინფიცირების მატება, ჩაკეტილი სივრცეების და შეზღუდვების რაოდენობა თუ ასე გაგრძელდა, მაშინ სერიოზულად უნდა ვიფიქროთ არჩევნების გადადებაზე. ამ ვითარებაში არჩევნების ჩატარება შეუძლია მხოლოდ ხელისუფლებას, რომელსაც აქვს ადმინისტრაციული რესურსი და მოქმედებენ ისე, როგორც ხელისუფლებას აწყობს, ხოლო ოპოზიცია მოკლებულია ადამიანებთან პირდაპირი კონტაქტის შესაძლებლობას“, – განაცხადა ბურჯანაძემ „პალიტრანიუსის“ ეთერში.