სეზონური გრიპების გათვალისწინებით, მომდევნო 2-3 თვე იქნება განსაკუთრებით რთული, - ამის შესახებ ჯანდაცვის მინისტრის მოადგილემ, თამარ გაბუნიამ განაცხადა.
„მიუხედავად იმისა, რომ კორონავირუსმა მკაფიო, სეზონური ტენდენციები არ უჩვენა, მოსალოდნელ გრიპებთან დაკავშირებით, გაიზრდება სიცხის მქონე პაციენტების რაოდენობა, რაც, თავისთავად, საჭიროებს განსხვავებას - იქნება ეს კორონავირუსი თუ გრიპი. ჩვენ, ბუნებრივია, გვექნება შესაფერისი, ტესტირების შესაძლებლობები სამედიცინო დაწესებულებებში იმისთვის, რომ დიფერენცირება ძალიან სწრაფად მოხდეს. კარგია ის, რომ პირადი დაცვისა და სადეზინფექციო საშუალებების გამოყენება, თავისთავად, დადებითად აისახება ორივე ინფექციაზე და როგორც კორონავირუსი, ისე გრიპი წარმატებით ექვემდებარება პრევენციას" - განაცხადა თამარ გაბუნიამ.