პოლიტიკური პარტია „ლელოს“ აქტივისტ გიორგი გლუნჩაძეზე თავდასხმის ფაქტზე შსს-მ გამოძიება 126-ე მუხლის პირველი პრიმა ნაწილის "ბ" ქვეპუნქტით დაიწყო, რაც ჯგუფურ ძალადობას გულისხმობს.

„ლელო საქართველოსთვის“ ერთ-ერთ აქტივისტს გიორგი გლუნჩაძეს სააცხოვრებელ კორპუსთან რამდენიმე ადამიანი თავს დაესხა. თავდასხმის შედეგად გიორგი გლურჯიძემ ტვინის შერყევა მიიღო, რის გამოც ის ღუდუშაურის კლინიკაში გადაიყვანეს.

ამ ფაქტს „ლელოს“ წარმომადგენელი დავით უსუფაშვილი გამოეხმაურა. მისი თქმით, პარტიის აქტივისტზე თავდასხმა პოლიტიკური მოტივით მოხდა და განაცხადა, რომ შსს-მ საქმე დაუყოვნებლივ უნდა გამოიძიოს.