ოკუპირებული აფხაზეთის ე.წ. ჯანდაცვის სამინისტროს ინფორმაციით, გასული დღე-ღამის განმავლობაში კორონავირუსზე ტესტირება 182 ადამიანს ჩაუტარდა და მათგან COVID-19 40 პირს დაუდასტურდა.

გუდაუთის რაიონულ საავადმყოფოში კორონავირუსის დიაგნოზით 40 ადამიანი მკურნალობს. მათგან ექვსის მდგომარეობა მძიმეა.

ოკუპირებულ აფხაზეთში კორონავირუსით ინფიცირების 466 შემთხვევაა გამოვლენილი, მათგან 154 გამოჯანმრთელდა, ოთხი კი გარდაიცვალა.