კოსტავას ქუჩაზე, „დეჟავუში" მომხდარი აფეთქებისას ერთი ადამიანი გარდაიცვასა, 3 კი დაშავდა.

თვითმხილველთა თქმით, ძლიერი აფეთქების ხმა იყო, ერთ-ერთი თვითმხილველი ცდილობდა ცეცხლწაკიდებული ადამიანისთვის დახმარება გაეწია.

„ცეცხლმოკიდებული ადამიანი იყო გარეთ, რომ გადმოვაბრუნე არაფერს აზრი აღარ ჰქონდა. გარეთ სამი ადამიანი იყო სულ, ორი გონზე იყო, ერთი უგონო მდგომარეობაში" - ჰყვება თვითმხილველი.

შინაგან საქმეთა სამინისტრომ თბილისში, ფილარმონიის საკონცერტო დარბაზთან, კოსტავას გამზირზე მომხდარ აფეთქებასთან დაკავშირებით გამოძიება სსკ-ის 240-ე მუხლის მე-2 ნაწილით დაიწყო.