ფილარმორიასთან აფეთქებისას დაშავებული ერთ-ერთი ადამიანის მდგომარეობა მძიმეა. დაშავებული ალადაშვილის სახელობის კლინიკაში გადაიყვანეს.

დანარჩენი ორი დაშავებულის მდგომარეობა პირველ პაციენტთან შედარებით მსუბუქია, თუმცა საყურადღებო. „მიმდინარეობს გამოკვლევები და პაციენტებთან შესაბამისი მკურნალობა დაწყებულია", - განაცხადა სამედიცინო უზრუნველყოფისა და გამოძახებათა დეპარტამენტის უფროსმა ამირან გოგიტიძემ.

მომხდარ ფაქტზე გამოძიება საქართველოს სსკ-ს 240-ე მუხლის მე-2 ნაწილით მიმდინარეობს, რაც სამთო, სამშენებლო ან სხვა სამუშაოს წარმოებისას უსაფრთხოების წესის დარღვევას გულისხმობს, რამაც სიცოცხლის მოსპობა გამოიწვია.

ფილარმონიასთან, აფეთქებისას სულ სამი ადამიანი დაშავდა და ერთი დაიღუპა.