თერჯოლაში გარდაცვლილ 11 წლის მოზარდს დღეს დაკრძალავენ. მას წესი სოფლის მოძღვარმა დღეს აუგო. სასულიერო პირების თქმით, დედის პატრიარქთან შეხვედრის შემდეგ მოხდა გამონაკლისის დაშვება. დაკრძალვა რამდენიმე დღით დედის ჩამოსვლამდე გადაიდო. საბერძნეთში მყოფი ქალი სამშობლოში საელჩოს დახმარებით ჩამოვიდა.

თერჯოლაში შვილის თვითმკვლელობამდე მიყვანის ბრალდებით მამა დააკავეს. ფაქტზე გამოძიება სისხლის სამართლის კოდექსის 11 პრიმა 115 მუხლის პირველი ნაწილით მიმდინარეობს. დანაშაული 2-დან 4 წლამდე ვადით თავისუფლების აღკვეთას ითვალისწინებს.