პროკურატურა მზად არის, თამარ ბაჩალიაშვილის საქმის მასალები, შესაბამისი მიმართვის შემთხვევაში სახალხო დამცველს გასაცნობად წარუდგინოს.  უწყებამ შესაბამისი განცხადება ცოტა ხნის წინ გაავრცელა.

"საქართველოს პროკურატურა მზადყოფნას გამოთქვამს, სახალხო დამცველის მხრიდან მომართვის შემთხვევაში, სახალხო დამცველს თამარ ბაჩალიაშვილის გარდაცვალების საქმეზე მიმდინარე გამოძიების მასალები გამოძიების ნებისმიერ ეტაპზე გააცნოს.

აღნიშნულთან დაკავშირებით პროკურატურის წარმომადგენლებს სახალხო დამცველის აპარატთან შესაბამისი კომუნიკაცია ექნებათ და ომბუდსმენის აპარატის წარმომადგენლებს  საშუალება მიეცემათ გაეცნონ სისხლის სამართლის საქმის მასალებს," - აღნიშნულია პროკურატურის განცხადებაში.