თამარ ბაჩალიაშვილის ავტომობილს ექსპერტიზა უტარდება. პროცედურას გარდაცვლილის მამა ოჯახის ადვოკატთან, მიხეილ რამიშვილთან ერთად ესწრება.

ექსპერტიზა ლევან სამხარაულის ექსპერტიზის ეროვნული ბიუროს წარმომადგენლები და „ჰიუნდაის“ ტექნიკური ჯგუფი ჩაატარებს. მიხეილ რამიშვილის განცხადებით, ექსპერტიზა მოიცავს ტექნიკურ დეტალების გარკვევას, თუ რა მანძილი გაიარა და მივიდა თუ არა ავტომობილი იმ ტერიტორიაზე, სადაც გარდაცვლილის ცხედარი ნახეს.

გარდაცვლილის მამა, ჯუმბერ ბაჩალიაშვილი აცხადებს, რომ გამოძიებას არ ენდობა და ექსპერტიზის ჩატარებას დაგვიანებულად მიიჩნევს.