თერჯოლაში დაღუპული 11 წლის ბიჭის დედა საქართველოში ხვალ ჩამოვა. ამის შესახებ განცხადებას დაღუპული ბავშვის ბებია აკეთებს.

მისი თქმით, ბიჭს სამშაბათს დაკრძალავენ.

"როგორც მითხრეს, ჩემი შვილი ხვალ ჩამოვა. მის შვილს გამოემშვიდობება და ბავშვს სამშაბათს დავკრძალავთ", - განაცხადა როზა ბოგვერაძემ.

ბებიას არ სჯერა, რომ მისმა შვილიშვილმა თავი მოიკლა. მისი განცხადებით, მომხდარში საეჭვო გარემოებებია.

"თვითმკვლელობის არ მჯერა, არანაირად. მას თავის მოკვლის არაფერი ეტყობოდა. ბავშვი ხეზე ჩამოკიდებული არავის უნახავს და მამამ ისე ჩამოხსნა, რომ დახმარება არავისთვის სთხოვა?", - ამბობს ბოგვერაძე.

ბებია პოლიციამ სამჯერ დაკითხა. ოჯახი ექსპერტიზის დასკვნას ელოდება.

წყარო: kvira.ge