თერჯოლაში დაღუპული 11 წლის ბიჭის და მამისთვის ბრალის დამძიმებას ითხოვს. ოჯახს ეჭვი აქვს, რომ მოზარდს თავი არ მოუკლავს და ის მამას შემოაკვდა.

"თუკი ჩემმა ძმამ თავი საკუთარი ხელით ჩამოიხრჩო გამოდის, რომ 11 წლის ბავშვი მიიყვანეს ამ მდგომარეობამდე. მამის უმკაცრესად დასჯას ვითხოვთ. ბავშვი მიწაში ჩადო, მიიყვანა თვითმკვლელობამდე და 2-დან 4 წლამდე სასჯელი არაფერია", - ამბობს გარდაცვლილის და "მთავარ არხთან".

გარდაცვლილი არასრულწლოვნის დედა საბერძნეთიდან საქართველოში სავარაუდოდ ხვალ დაბრუნდება და კვირას შვილის დაკრძალვას დაესწრება. დედის ტრანსპორტირებას საგარეო საქმეთა სამინისტრო უზრუნველყოფს.